Was e Wunner (droppin)

Verstand bricht zsamme im Verschteh, dass do niemols ebbes war,

Verliert sich in äm große See, weit un ewig, immerdar!

Was e Wunner, s'geht grad weiter so,     

uhne dass do ääner ebbes macht   

Was e Wunner, des schafft weiter do,     

des lebt un liebt un lacht!                   

Des fallt un fallt ins Nirgendwu, was war des alles fer en Bluff

verlier mich selbscht in großer Ruh, des Nix des lutscht mich uff

Was e Wunner...   

Im Falle is Geborgenheit, tiefer als im tiefschde Schloof.

Geh verlore in Unendlichkeit, des Lewe is unendlich groß

Was e Wunner...

Clownerie                           

Hoschd du schunn emol em Clown in die Aache geguckt?

Direkt iwwer de Pappnos, links un rechts, jeweils ääns.

Klääne, lischdige, scheinbar rode Aaache.

Guck genau hie, die wärn uff emol größer, ehrlich

un vun Röte kää Schpur mää, glasklar gucken die dich aa,

wu du doch die grade Blicke gar net gewohnt bischt.

Ich bitt dich, guck net weg. Grad lernscht mää,

als dein bornierter Lehrer dir all die Johr hot beibringe könne.

Merkscht net, der zieht dich, der holt dich immer näher zu sich her.

Un jetzt loß falle

Gönn dir ään Moment Friede un Zuneigung.

Erlaub dirs emol nackt vor dem Fremde zu schtehe

Der hot soviel Geduld mit dir, noch hot er sich net rumgedreht.

Der Blick vun dem verlangt e ganz annere Leischdung vun dir,

als du des gewohnt bischd. Ewe nur e bissel was:

Falle losse!

Nix is                                                    

Die Botschaft vun der ich jetzert sing, des is e richtig dickes Ding,                                                               

des is des Lied vum Nix!

Do is alles un ach gar nix drin,

des macht e Meng un gar känn Sinn, des macht ganz äfach nix!                                                             

Weil des ääfach nix is, gebt's kää richtig un verkehrt,       

dodefor, weil's nix is, lebt sich's unbeschwert!

Du muscht dich nimmi länger quäle,

do gebt's kää Lascht uff deiner Seele.

Des bildschd du dir nur alles ei.

Es is, wie'n Haufe Zwiwwle schäle, do laafen doch ach dicke Träne

un du kriegscht Appetit debei!

Weil des ääfach nix is....

Manch enger denkt sich rum un dumm

um des Individuum und kommt net weiter do debei.

Wie krieg ich bloß des Ego stumm,

am beschde bring ich mich jetzt um, bin ich dann endlich frei?

Weil des ääfach nix is....

Nix mol Nix is Nix, des rechent sich ganz fix.

Nix mo Nix is Nix mol Nix durch Nix.

Des ich, des du un Müllers Kuh, die lossen dich ab heit in Ruh

ab jetzt gebt's fer dich kää Strafe.

Du kannscht fer alles nix dezu, dich gebt's gar net, des is de Clou,

mer lossens ääfach laafe.

Weil des ääfach nix is....

Manchmal brauchts e großes Drama

oder nur en Blick vum Lama fer die klare Sicht ins Nix

So manchem langt e Fläschl Schnaps,

manch ääner braucht nur'n klääne Klaps, um zu sehe, do is nix!

Weil des ääfach nix is....

Was bleibt   

Ich bin nicht dieser Körper

und erst recht nicht dieses Hirn.

Bin nicht die Gedanken hinter dieser Stirn.

Ich bin nicht die Geschichten, die sich um mich drehn,

seh alles in mir kommen und auch wieder gehn.

Bin nicht die Mutter meiner Kinder,

von meinem Mann auch nicht die Frau.

Bin nicht die Schülerin des Lehrers,

nicht Bestandteil dieser Schau.

Und ich bin auch nicht erleuchtet,

aus irgendwas erwacht.

Bin, was ich nicht nicht sein kann, frei, erlöst und nackt.

Ich bin, was bleibt, bin, was bleibt.... 

Ich bin die Liebe und die Stille, der Kern von allem Sein.

Ich bin der tod in dem es endet, unbefleckt und rein.

Ich bin das Innerste in Dir, das mein Innerstes empfängt

und alles, was da will und tut aus dem Sein verdrängt.

Ich bin, was bleibt, bin, was bleibt, bin 

Uffwache

Ich  lieg  do, Bilder  zieh'n  an mir vorbei.               

Lieg still do, die  Welt,  die  is mer einerlei.

Ich  kann  des  hautnah  in  mer  fühle,                         

des  nemmt  vun  mir  Besitz.

Mei  Gemüt  wärd  schwach  un  herbschtlich,           

Vernunft  flackert un erlischt.

Lieg still do, gelähmt,  ufähig  uffzusteh.

Lieg  do  un spür, wie ich im Raum vergeh.

Lös mich uff,  verlier mei Grenze,

des macht mer völlig de Garaus

Die Lieb, die läßt die Zelle tanze

un dehnt sich immer weiter aus

Ich  lieg  do,  Lewe  is  so  seltsam  klar.

Die Welt werd ruhig un still, weg is alles,was mol war.

Do kummt viel Freiheit, so viel Friede,

wu  mich  erschüttert  un  erquickt.

Un uff Ewigkeit des Fühle,

daß  die  Lieb  nie  in´s Leere  kippt.

Ich  lieg  do  und  froh  brechen  Träne  in  de Dag...

Sterb                                                                         

Was gebore werd muss sterwe, des gheert zum Lewe voll dezu             

Trotzdem geht's uns uff die Nerve,

mer find vor lauter Angschd kää Ruh 

Mer fürchten uns vorm Sensemann, vorm böse Schnitter Dod                               

Wer hot Angschd vorm schwarze Mann,

werd oft bei uns gedroht                                 

Ganz natürlich werd de Mensch gebore,

ohne Last un ohne Sünd           

ja, was geht  im Dod verlore, dass mer ihn so schrecklich find?               

Wann'd schterbscht so lang du lebscht                                                       

bischd du in ruh un völlig frei,                                                 

kannschd die Lewe voll geniesse,                                             

nix  stört dich do debei.                                                                         

Des was do voll de Angschthaas is, des is im Tiefschloof still   

Des Schloofe macht so herrlich frisch, weil niemand ebbes will 

Dass des ICH als mol net do is, des brauche mer um zu lewe     

Mer hänn de Dod schun oft geübt, ohne uns zu quäle

Wann der dann letztendlich akloppt,    mach uff un lossen rei   

Sein Alias is Friede, der macht fer immer frei!                     

Wann'd schterbscht so lang du lebscht...   

Wann mei Herz uffheert zu schlage,

  wünsch ich mir e schäänes Feschd     

so e richtiges Gelage, Gesang un Tanz des wär mer recht     

ihr sollten feire un geniesse mit Schoppe voll vun Wei                       

un ich mecht eich lache höre, als wär ich noch debei     

Weil was ich wirklich bin, lebt in eich un iwwerall   

was niemols sterwe kann, des bleibt in jedem Fall.

Pälzer Mantra       

Warum des tut, wodrum sichs dreht?   

Wuher des kummt, wuhie des geht?       

Wieso des fühlt un was des denkt?       

Warum des lebt un wer des lenkt?       

Wu ist die Welt un wer bin ich?

Was quält mich do so fürchterlich?

Was is die Antwort un wer sucht denoch?

Wuhie führt mich Frog für Frog?

Des Lewe lebt sich vun allää!

Geb dich uff, loss alles geh.

dodefor muss mer nix tu,

des laaft, wies laaft, guck ääfach zu.

Solang du träämscht

Wann alles, wann alles grad so over is,

roger, aus, vorbei,

do wärd des Lewe, des werd widder frisch

un du fühlschd dich völlig frei.

Solang du träämscht, träämscht du dich mächtig

un dein Troom, der macht dich trächtig.

Der blooßt dich uff un füllt dich aus,

bis des dann platzt un du bischd raus

Was war, des is jetzt nimmi wichtig,

was kummt, is ganz egal.

Ob schää oder aach schrecklich,

alles is und bleibt banal.

Solang du träämscht...

Do geht Nix im Nix verlore.

Des Lewe lebt sich ohne mich.

Des fühlt sich aa wie neu gebore,

frei, leicht un völlig  frisch

Solang du träämscht...

Kumm schnell her

Kumm schnell her, kumm schnell her,

such dich selbscht in meine Aache.

Kumm schnell her, kumm schnell her,

tu du dich nimmi länger blaache.

Nimm dei Angscht doch uff dei Fauscht

un loß se wie en Vogel fliege.

Bleib ääfach hier im Jetzt,

ohne Leid un Trauer liege.

Do is net all des Wehmutsfühle,

was du so oft in letschter Zeit hoscht gschpürt.

Do is e warmes wohlig Sunnefühle,

in dem sich dann dei Einsamkeit verliert.

Kumm schnell her...

De Grund

Ich  loß  mer  jetzt  die  Hoor  so  wachse,           

bis  die  zum  Bode  reichen.

Ich  loß  die dann  dort   Worzle  schlage,

wu  die  de  Grund  erreichen.

Du  sagscht  "Na  und",

grad  du  bischt  doch  de  Grund.

Ich  möcht  de  Regeboge  sei           

zwische  dir  un  deiner  Zärtlichkeit,

möcht  des  Grabmal  sei

uff  deiner  Usicherheit,

möcht  die  Wolk  sei,

uff die du  all  dei Drääm  drufflegscht,

möcht  ach  der  sei,

dem  dich  fröschtelnd  in  die  Ärm neigebscht.

Ich  möcht  uff  ääner  grüne  Wies  jetzt  liege

un  die  Sunn  so  schpür  uff  meiner  Haut,

möcht  mich  ganz  weit  nach  hinne  biege

un  schrei,  un  schrei  wann aa zu  laut:

Heh,  heh,  heh......

Ich  loß  mer  jetzt  mei  Hoor.....

Des isses (That's all)

Ich hock im Auto, steh im Stau             

De Rheibrick-Feierowend-Stau

Newe mir steht so än dicke Stinker,

der setzt jetzt grad de linke Blinker!

Des isses, mäh is net...

Ich dös im Gras an unserm See

e Amääs krawwelt an meim Zeh

Üwerm Wasser sinn Libelle

un die Sunn bricht sich in de Welle.

Des isses, mäh is net...

Spür dei Haut, so zart un weich

schwätz so sinnlos dummes Zeich

Guck in die Aache, fall do nei

du un ich unendlich frei

Werklich alles is dodemit gered:

Des isses, mäh is net

Klääner  Engel

Du  kummscht  aus  ääner  ferne  Schternewelt,           

fer  dich  war'n  mir  zusamme  do.                                 

Hoscht  uns  zum  Lande  ausgewählt,                           

fer e  kurzi  Zeit war'n  mir  so  wunnerbar.                 

Die  Luscht  am  Lewe  kummt   mit  dir

uff e  ganz  neui  Art   zurück.

Hab  ich  dich  in  meim  Arm,

spür  ich  e  warmes  Glück.

Klääner  Engel,  bischt  du  bei  mir, 

dann geht's  mer  gut!

Klääner  Engel,  bischt  du  bei  mir, 

wärr  ich  gesund!

Lang  hab'  ich  mein  Maure uufgebaut,

Stää  um  Stää  reischt  du  die  ei.

Gugscht  mich  aa  und  lächelscht  so  vertraut,

laafscht  ääfach  in  mein  Herz  enei.

Zeigscht  mir  de  Weg  zurück  zu  mir,

halscht  mich  fescht  an  meiner  Hand.

Ganz  behutsam  folg  ich  dir

in  e  weites  Wunnerland.

Klääner  Engel...

Du  tobscht  in  meiner  Seel  wild rum

und  molscht  mich  inne  kunnerbunt.

Wann  ich  dich  zärtlich  an  mer  schpür

is  alles  ganz  un  gut.

Die  Luscht  am  Lewe  kummt  mit  dir

uff  ganz  neui Art  zurück.

Trag  ich  dich  in  meim  Arm,

schpür  ich  e  warmes  Glück.

Klääner  Engel...

Friede

Hier is Friede, ääfach still sei, alles ruht   

Hier is Friede, nix do was stört, alles gut

Hier kannscht dich ausruhe, ääfach bleiwe   

Kannschd dich selbscht sei, loss dich treiwe

Hier is Friede...

kää Rechtfertigung mäh, kään Kampf

in de Stille löst er sich uff, dein Krampf

Hier is Friede...

jetzt kannschd den seh, den ganze Bluff

die Welt un du, hier hört des uff!

Hier is Friede...     

That's all

Satsongs in Englisch 

Droppin'

Mind collapsed in understanding,

that there never was an I.

the person faded in a sea of love,

noone here to certify.

Refrain:

And I wonder, all is going on

without my own intension.

And I wonder, how I'm working on,

aimless, without tension.

I'm droppin' into nothing,

an extinguished fading soul.

I get absorbed from nowhere,

never had control.

Refrain

I feel preserved while droppin' down,

deepen in the deep.

Fadin' into emptiness,

resting in deep sleep.

That's all

Walking through the noisy streets

voices, screaming, rhythm, beats

Drinking coffee, sucking sweets

and a toothpick between teeth

II: That's all,     that is :II

Swimming with the fishes in the sea

Flying with the birds and with the bees

The wind, that whispers in the trees

and the tumbling, falling leaves

Caressing skin, tenderly and mild

kissing lips and getting wild

looking in your eyes without recall

you and me an endless fall

Sitting on a chair and starring at the wall

That's all